तुझ्या पाऊलखुणा भिमराया
तुझी पोरं पुसू लागली रे
तुझ्या वैऱ्याच्या दारात जाऊन
पंगतीला बसू लागली रे
पांगली ही तुझी भिम सेना
त्यात सरदार कुणी दिसेना
बीन धन्याच्या या फौजेला
आता सारी दुनिया हसू लागली रे
शिक्षणाची पिछेहाट झाली
पीढी आताची मोकाट झाली
येत आहे उद्या ऊद्याची गुलामी
मला आता दिसू लागली रे
तुच तुझ्या या मळ्याचा
काय वर्णू तुझा बा दरारा
त्या मळ्यातच तुझ्या बाबा आता
सारी ढोरे घुसू लागली रे
*महाकवी वामनदादा कर्डक*
No comments:
Post a Comment